Қалыптасқан дәстүр бойынша Қазақстан жұртшылығы славян жазбалары мен мәдениеті күндерін жыл сайын атап өтеді. Қазақстанның мәдениетінің қалыптасуында славян жазбалары мен славян халықтары шығармашылығының өзіндік орны ерекше екендігі айқын. Осы мерекенің идеясы славян және басқа этностар шығармашылығы әлеуетінің көрінісі ретінде Қазақстанда кең қолдау тауып отыр.
Осыған баланысты мереке құрметіне 23 мамыр күні Қазақ Ұлттық өнер университетінде Қазақстан Республикасы Мәдениет және спорт министрлігінің Тілдерді дамыту және қоғамдық-саяси жұмыс комитеті Астана қаласының славян этномәдени бірлестіктері ұйымдарының шығармашылық ұжымдары мен өнер шеберлерінің қатысуымен мерекелік концерт өткізді. Мерекелік шараға Қазақстан халықтары Ассамблеясының басшылары мен мүшелері, қоғам қайраткерлері, дін өкілдері, этномәдени бірлестіктердің басшылары және Астана қаласының ғылыми-педагогикалық және шығармашылық қауымы, сонымен қатар Ресей Федерациясының Қазақстан Республикасындағы төтенше және өкілетті елшілігінің кеңесшісі Е.В. Лысенко, Қазақстандағы Россотрудничество өкілдігі басшысының орынбасары С. К. Журавлев қатысты. Сондай-ақ Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитеті төрағасының орынбасары Қ.Ж. Асылов мырза қатысып, құттықтау сөз сөйледі.
Пікір жазу
Пікір орналастыру үшін кіруіңіз жөн.