Тілдерді қолдану мен дамыту бүгінгі таңда мемлекеттік саясаттың маңызды бөлігіне айналып отыр. Себебі, тіл саясаты, оның ішінде мемлекеттік тілдің проблемалары еліміздің қауіпсіздігіне, оның мемлекеттілігінің нығаюына тікелей қатысты.
Елбасы Қазақстан халқы Ассамблеясының кезекті сессиясында сөйлеген сөзінде: «Біз барша қазақстандықтарды біріктірудің басты факторы болып табылатын қазақ тілінің одан әрі дамуы үшін барлық күш-жігерімізді салуымыз керек. Сонымен бірге елімізде тұратын барлық халықтардың өкілдері ана тілінде еркін сөйлей, оқи алуына, оны дамытуға қолайлы жағдай тудыру қажет»,-деп тіл дамыту мәселесінің маңыздылығын басты назарға алды.
Тіл саясаты үш негізге сүйенеді. Ең бастысы – оның құқықтық негізін жасау, екіншісі – қоғамда тіл саясатын кеңінен насихаттау. Ал үшіншісі – үкімет тарапынан қаржылық қолдау. Еліміздің тіл саясатында осы үшеуі де ескерілген. Бұл жинаққа тіл саясатын жүргізуге қатысты шыққан заң актілері, қаулылар және ресми қабылданған бағдарламалар топтастырылған.
Бұл жерде «Мемлекеттік тіл саясатынан» тілге қатысты бөлімдері ғана үзінді ретінде берілген. Толық нұсқасын орталықтан алуыңызға болады.
Пікір жазу
Пікір орналастыру үшін кіруіңіз жөн.