«Тілашар» қазақ тілін ересектерге бастауыш деңгейіне арналған бағдарламалық кешен. «Тілашар» курсы әдістемелік құралдан, жазу дәптерінен, DVD дискілерінен тұрады. Курстың негізгі мақсаты – тіл үйренушіге тілінің бастапқы танымдық тұстарын меңгерту. Курстың құрылымы: бастапқы деңгейден, жоғарғы деңгей аралығын қамтиды. Орфографиялық, орфоэпиялық заңдылықтар негізінде қазақ тілінің сөйлесім мен айтылым, жазылым сияқты заңдылықтарына бейімдейді. Жұмыс дәптерінде берілген жаттығулар мен тапсырмалар кестелер, иллюстративті суреттер, сызбалар көмегімен оқытады. Әдістемелік құралда берілген мақал-мәтелдер, жұмбақтар, нақыл сөздер, жаңылтпаштар, қанатты сөздер тіл үйренушінің қазақ тілін үйренудегі тек грамматикалық, функционалдық қырын ғана емес, сондай-ақ танымдық деңгейін қалыптастырып, гуманистік тәрбиені бойына сіңдіріп, жан-жақты тұлға ретінде қалыптасуға мүмкіндік туғызады. Қазақ халқының тілі арқылы, оның төл мәдениетіне, рухани болмысына, тарихын білуге деген қызығушылығын оятады.
Ребус, сөзжұмбақ, түрінде берілетін жаттығулар тіл үйренушінің қазақ тілін үйренудегі есте сақтау қабілетін, логикалық ұшқырлығын қалыптастырады. Өтілген тақырыптың соңғы жағындағы тест, бақылау сұрақтары, қорытынды сұрақтары, ауызша және жазбаша тапсырмалар, мазмұндама, шығарма жаздыру арқылы тіл үйренушінің тіл байлығын, ойлау қабілетін арттырады. Толық мәліметті www.tilashar.kz сайтынан қарай аласыздар.
Пікір жазу
Пікір орналастыру үшін кіруіңіз жөн.