Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитеті 2015 жылдың 14-15 қазан күндері Жамбыл облысы Тілдерді дамыту басқармасының Мемлекеттік тілді оқыту орталығында «Оқыту бағдарламалары мен мазмұны, оқыту технологиясын жетілдіру» тақырыбында семинар-тренинг өткізді.
Семинар-тренингтің мақсаты – мемлекеттік тілді ересек адамдарға үйрететін оқытушылардың кәсіби біліктілігін жетілдіру, онлайн әдісімен озық тәжірибелерді алмасу және мемлекеттік тілді оқыту орталықтарының оқытушыларын ынталандыру болып табылады.
Семинар-тренингке әдіскер ғалымдар, тіл мамандары, тіл үйренушілер, Астана, Алматы қалалары және облыс орталықтарындағы мемлекеттік тілді оқыту орталықтарының басшылары мен оқытушы әдіскерлері қатысты.
Шара барысында әдіскер-ғалымдар мемлекеттік тілді оқытудың тиімді технологиялары мен әдіс-тәсілдерімен бөлісті. Жамбыл облысы Тілдерді дамыту басқармасы Мемлекеттік тілді оқыту орталығының үздік оқытушылары панорамалық сабақтар мен онлайн режимінде шеберлік сабақтары көрсетіліп, өзара тәжірибе алмасты.
Пікір жазу
Пікір орналастыру үшін кіруіңіз жөн.