ҚР Мәдениет және спорт министрлігі Тілдерді дамыту және қоғамдық-саяси жұмыс комитеті «Ш.Шаяхметов атындағы Тілдерді дамытудың республикалық үйлестіру-әдістемелік орталығының» ұйымдастыруымен Славян жазбалары мен мәдениеті күніне арналған дөңгелек үстел отырысы болып өтті. Отырыс Астанадағы Ресей ғылым және мәдениет орталығында ұйымдастырылды.
Қалыптасқан дәстүр бойынша Қазақстан жұртшылығы славян жазбалары мен мәдениеті күндерін жыл сайын атап өтеді. Бұл күннің атап өтілуінің өз шығу тарихы бар, ол сонау IX ғасырда Кирилл мен Мефодидің құрастырған славян әліппесінен бастау алады, бүгінгі «Кириллица» әліппесі осы ағайындылардың бірінің атымен аталады.
Дөңгелек үстел барысы
Қазақстанның мәдениетінде славян жазбалары мен славян халықтары шығармашылығының өзіндік орны бар. Осы мерекенің идеясы славян және басқа этностар шығармашылығы әлеуетінің көрінісі ретінде Қазақстанда кең қолдау тапқан. Себебі ұлттық тілдер, славян әліппесі негізінде жасалды және ол адамдар арасында өзара түсіністікке жол ашумен қатар, жазба әдебиеттің дамуына да зор ықпал етті.
Тілдерді дамыту мен қолданудың 2011-2020 жылдарға арналған мемлекеттік бағдарламасында этностардың тілдерін сақтау және олардың мәдениетін өзара байыту үшін қажетті шаралармен қамтамасыз ету көзделген. Этностардың мәдени шығармашылық мүмкіндіктерін жүзеге асыру мақсатында мәдени-көпшілік іс-шаралар үнемі мемлекет тарамынан қолға алынып отырады.
Кеше, яғни үстіміздегі жылдың 20 мамыры күнгі болған аталмыш дөңгелек үстел отырысында қазақстандық және шетелдік жетекші ғалымдар славян жазбалары жайындағы зерттеулерімен әлеуметтану, лингвомәдениет, аударма саласындағы баяндамаларын ортаға салып өз пікірлерімен бөлісті.
Дөңгелек үстел жұмысына ҚР Мәдениет және спорт вице-министрі М.А.Әзілханов, Ресейдің Қазақстандағы Төтенше және өкілетті елшісі М.Н.Бочарников, Беларусьяның Қазақстандағы Төтенше және өкілетті елшісі А.Ничкасов, Қазақстан халқы Ассамблеясының төрағасының орынбасары О.Г.Дымов, «Українські новини» газетінің бас редакторы Т.А.Чернеги және т.б. қатысты.
Пікір жазу
Пікір орналастыру үшін кіруіңіз жөн.