Қазақ халқы: «шыныққан – шымыр болады, тәрбиесіз – қыңыр болады» деп, дене шынықтыру мен дене тәрбиесінің адам денесі мен денсаулығына төтенше пайдалы екенін ықылым замандарда-ақ жете түсініп, балаларының денесін жастай шыңдап, шынықтырып, сау денелі, қару-қайратты тең жетілген сегіз қырлы, бір сырлы азамат болып есеюлеріне ерекше көңіл бөліп, ұрпақтарын сом денелі, ширақ қимылды, ақыл-айлалы, кемелді азаматқа айналдыру үшін халықтық спорттың әр қилы түрімен айналыстырып, сан алуан сайыс өнерін үйреткен.
Ерте заманда қазақ балаларына үйрететін сайыс өнері мен спорт қимылдарының түрі өте көп болған. Соның бастылары мыналар:
Жарыспақ
Дене тәрбиенің бұл түрінде балалардың аяғы шығып емін-еркін жүретін болғаннан бастап жаяу жарыстырып, жүгіртіп, жерде әбден шынықтырған соң тай-құнанға міндіріп жарыстырып, олардың аттың шабысына бейімделіп, қыр-сырына қанығуына мүмкіндік жасайды.
Жастайынан жарыстың сан алуан түріне жаттыққан баланың қайсарлық, төзімділік қуаты артып, мейлі жерде, мейлі ат үстінде болсын қарсыласына дес бермейтін айла-тәсілі мол, ат құлағында ойнайтын атпал азамат болып жетіледі. Жігерлі, жалынды болып өсіп, түрлі ауру-сырқауларға жақсы төтеп береді.
Пікір жазу
Пікір орналастыру үшін кіруіңіз жөн.