Павлодарда қазақ халқының Ұлы ақыны, хакім Абайдың туғанына 170 жыл толуына орай этнос жастары арасында «Абай оқулары» облыстық байқауы өтті. «Достық» концерттік залының дәлізінде С. Торайғыров атындағы облыстық әмбебап кітапханасының кітап көрмесі ұйымдастырылды.
Байқаудың ашылу рәсіміне облыс әкімінің орынбасары Дычко Николай Васильевич қатысып, жиналған қауымды қазақ тілінде Ұлы ақын, ойшыл Абайдың 170 жылдығымен құттықтап, сайыскерлерге сәттілік тіледі.
Облыстың қала, аудандарынан келген қатысушылар екі кезең бойынша, атап айтқанда Абай шығармаларын мәнерлеп оқу және «Абай жолы» романынан үзіндіні көркем шеберлікпен орындау бойынша бақ сынасты. Нәтижесінде І жүлделі орынды Качир ауданының үміткері Коструба Дина, ІІ орынды Екібастұз қаласының қатысушысы Овчаренко Аделина, ІІІ орынды Баянауыл ауданынан келген Николаенко Ангелина иеленді. Сайысқа қатысушылардың барлығы диплом, алғыс хаттармен қоса бағалы сыйлықтармен марапатталды.
Облыстық байқаудың жеңімпазы қыркүйекте Семейде өтетін республикалық байқауға жолдама алды.
Сондай-ақ, оқи отырыңыз
- Үш тілді меңгеру – жарқын болашақтың кепілі
- Петропавл қаласында «Тіл – татулық тірегі» этнос жастарының республикалық форумы өтті
- Үш тұғырлы тіл туралы
-
Азаттық атқан күн, «Алашым» қанат қаққан күн
Пікір жазу
Пікір орналастыру үшін кіруіңіз жөн.