Қазақ тілім, қасиеттім, киелім,
Қамыңды ойлап алашың мен жүр елің.
Бар қазаққа пана болған, жыр болған,
Абай, Мұхтар, Шәкәрімнің тілі едің..
Қазақ тілім құндылығым, мұратым,
Ар-намысым бетке ұстар ұятым.
Қазынасы ата-бабам қалдырған
Мақтанышым өр кеудемде тұратын.
Қазақ тілім салт-дәстүрім, ғұрыпым,
Қайтпас қайсар халқымның рухы.
Шұбарланбай өзге тілмен тең болмай,
Бұзылмасын таза тілім шырқың.
Қазақ тілім, ана тілім алғашқым,
«Ана» деген шықты менен алғашқы үн.
Бір өзіңде жүрегіммен жыр жазып,
Дос-құрбымен сен арқылы сырластым.
Қазақ тілім Жиреншедей шешенім,
Төле, Қазыбек, Әйтекедей көсемім.
Дауды шешкен өткір тілді сөзімен
Қазағымның билері-ай кешегі.
Ана тілім, болашағым, өткенім,
Сенен туған жырларым да көп менің.
Мәңгі өмір сүрші тілім өшпеші
Одан басқа арманым да жоқ менің.
Авторы Жансая Бейсенбайқызы
Өте тамаша жазылған олең.Маған өте ұнады.Жарайсың.Енді бастаған қызметіңе творчествалық табыстар тілеймін.Қаламыңның ұшы талмасын.Біз сенен жақсы жақсы олеңдер шығатынына сенеміз.