22 наурыз – Ұлыстың ұлы күнi. Бұл күнi күн мен түн теңеледi. Табиғат та, Жер-Ана да, жан-жануар да түлейдi, жаңарады. Адамзаттың бойында қан жүгiрiп, тал-теректер бүршiк жарады. Қазақтың сайын даласын Қызыр баба кезiп, адам баласына құт-береке, бақ-дәулет сыйлайды. Самарқанның көк тасы ерiп, қасиеттi қара жер, қара топырақ бусанады. Ұлы даланың төсiнде қызғалдақтар құлпыра өсiп, бел-белестерге қызылды-жасылды кiлем төселедi. Ұлан-байтақ Қазақстанның халқы жетi түрлi дәмнен наурыз көже жасап, ұлттық салт-дәстүр, әдет-ғұрыптарды сақтап, ай бойы Ұлыстың Ұлы күнiн тойлайды.
Тамырын тереңнен тартқан осынау мейраммен баршаңызды шын жүректен құттықтаймын! Құттықтай отырып дендеріңізге саулық, еткен еңбектеріңізге жеміс, шығармашылықтарыңызға табыс, отбасыларыңызға амандық тілеймін!
Мейірім мен шуағын төккен молшылық пен ырыстың мерекесі, жүректеріңізді қуаныш пен жылылыққа толтырсын!
Әз Наурыз баршамызды ізгілікті істер мен асқаралы армандарға бастасын!
Ұлыстың қадам басып ұлы күні,
Наурыздың қасиетті күні бүгін.
Көңіл шіркін бүр жарып, шешек жарып,
Жүректің сарқылмасын жылылығы.
Наурызым құт болып кел әрбір үйге,
Бөленсін шаңырағымыз шатты күйге.
Еліміз тату-тәтті ғұмыр кешіп,
Жеткізе бер біздерді келер күнге.
Ізгі тілекпен: Жансая Бейсенбайқызы
Пікір жазу
Пікір орналастыру үшін кіруіңіз жөн.